Dinsdag 21 Julie – Om na mekaar se stories te luister
Psalm 56: 9; Johannes 20: 15
Baie studies reken dat net ongeveer 25% van mense luister regtig as ander met hulle praat!
Het jy al vir iemand van jou swaarkry vertel en die antwoord kom dadelik: Presies dieselfde het al met my gebeur. Een van die grootste foute wat almal van ons dikwels maak is om ware empatie te verwar met die oorvertelling van jou eie storie.
Psalm 56: 9a lees: My ellende het nie ongemerk by U verbygegaan nie, U het op my trane gelet.
In die antieke tyd was daar selfs ’n traanpot waarin trane opgevang en geberg is. In Johannes 20: 15 vra Jesus vir sy moeder: Mevrou, waarom huil jy? (Joh 20: 15). Dit is die eerste vraag wat Jesus na sy opstanding gevra het. ’n Vraag vol ware empatie. ’n Vraag vol liefde wat kon lei tot gesprek.
Henri Nouwen skryf dat om te luister soveel meer is as om bloot jou kans af te wag om ’n respons te lewer. Nouwen reken om waarlik te luister, is om iemand jou volle aandag te gee terwyl jy hulle as’t ware innooi om deel van jou menswees te word. Om te luister is ’n vorm van geestelike gasvryheid waardeur jy mense innooi om hulself beter te leer ken.
David Augsberger skryf: Being heard is so close to being loved, that for the average person they are almost indistinguishable.
Mag ons genade met mekaar hê omdat elkeen van ons dikwels maar besig is om sy eie oorlog te voer. Mag ons nooit vergeet dat elke mens wat ons langs die pad ontmoet sy eie storie het nie. Wanneer ons iemand langs die pad ontmoet wat in hul poel trane sit, is ons op heilige grond. Kom ons sit, wees stil en luister waarlik.
Gesang 571: 4:
As u guns ons hier benede
Soveel lewensvreugde bied,
Watter saligheid en vrede
Sal ons eens by U geniet
As ons deur U gees se leiding,
Met die diepste hartsverblyding,
Van U, Heer, ontvang die kroon,
Voor u heil’ge hemeltroon!
Ds Lydia Miller, Villiers
Saterdag 7 Februarie – Die plig om te vergewe
Matteus 18: 21-35 Ek is seker ons elkeen was al in ’n situasie waar ons so kwaad was vir iemand dat dit gevoel het of ons hulle nooit sal kan vergewe nie. En tog as gelowiges word daar van ons verwag om te vergewe. Maar vergifnis is nie maklik nie. Die verhaal van...
Vrydag 6 Februarie – Nuwe seisoene in Christus
Kolossense 3: 5-17 Die natuur beweeg elke jaar deur vier bekende seisoene – herfs, winter, lente en somer. Elke seisoen bring verandering: blare begin val in die herfs, alles raak vaal as gevolg van die koue in die winter, nuwe lote begin later bot in die lente, en...
Donderdag 5 Februarie – Om voete te was
Johannes 13: 1-17 Ons verstaan mense beter as ons hul kultuur verstaan. In Suid-Afrika is dit byvoorbeeld ’n teken van respek om ouer mense oom of tannie te noem, selfs al is hulle nie familie nie. Vir iemand van ’n ander kultuur, soos ’n Amerikaner, kan dit vreemd of...
Woensdag 4 Februarie – Lewende water
Johannes 4: 1-26 Water – ons bron van lewe. Sonder water kan ons nie boer nie, ons kan nie eet nie, en ons kan nie oorleef nie. Ons is totaal afhanklik van water. Hoe dikwels het ons nie al gebid vir reën in tye van droogte nie? En hoe groot is die dankbaarheid...
Dinsdag 3 Februarie – Jesus het gehuil
Johannes 11: 33-44 Die wêreld maak seer. Ons sien dit elke dag: siekte, dood, hartseer, moord, ongelukke. Elkeen van ons het al pyn in hierdie wêreld beleef en soms voel dit of dinge net te veel raak. In Johannes 11 lees ons van ’n man met die naam Lasarus wat gesterf...
Maandag 2 Februarie – Wat is liefde?
1 Korintiërs 13 Wat is liefde? Is dit ’n gevoel? Is dit iets wat jy vir ander doen? Is dit iets wat net natuurlik vir mense voorkom? Oor die eeue heen was liefde ’n bekende konsep, en dit is nog steeds. Maar almal verstaan liefde anders. Selfs mense van verskillende...