Maandag 29 Junie – Julle maak my arms sterk
Eksodus 17: 8-16
Israel is onlangs uit Egipte bevry. Hulle was slawe en is nie opgelei of gerat vir oorlog nie. Die Amalekiete was nomades wat afgestam het van Esau se kleinseun, Amalek. Hulle val aan sonder provokasie. Ons kry vir die eerste keer met Josua te doen wat manne moet kies en veg terwyl Moses op die heuwel staan met sy staf waardeur God soveel wonderwerke in Egipte laat gebeur het, en toekyk.
Solank as wat Moses sy hande in die lug hou kry Israel die oorhand oor die geveg, maar sodra hy sy arms laat sak word die Amalekiete sterker. Die gevel hang dus nie af van die Israeliete se moed, durf of vegtalent nie, maar van hul geloof in God, hul gehoorsaamheid aan God en van God se mag.
Wat sê dit van ons eie gevegte? Die oplossing van al ons eie gevegte lê daarin dat ons nie in toewyding aan die Here moet verslap nie.
Moses se opgeligte hande wys op gebed, lof en afhanklikheid van God. Aaron en Hur help Moses om sy arms in die lug te bly hou totdat die Israeliete die veldslag gewen het. Dit wys daarop dat ons mekaar nodig het selfs in ons geestelike roeping en worstelinge. Deur spanwerk en gemeenskap word probleme en vyande teruggedryf. Ons moet ook leer om te praat en te sê wanneer ons arms te moeg raak om langer self in die lug te hou. Saam is ons eenvoudig sterker.
Moses bou ’n altaar vir die Here en noem dit Jhwe-Nssi (Die Here is my banier) Dit wys op God se beskerming en heerskappy en dat Hy hul identiteit is. Dit wys ook op oorwinning en dat God ons in alle omstandighede lei.
Ds Aniena Jansen van Rensburg, Leeudoringstad
Vrydag 16 Januarie – Nes die dissipels…
Markus 8: 27-29 Om ’n volgeling van Jesus te wees en te probeer verstaan wie Jesus is, is om gewillig te wees om op dieselfde reis as die dissipels te gaan. Om bereid te wees om so reis aan te pak. ’n Reis gevul met onsekerheid en verwarring, maar ook verwondering!...
Donderdag 15 Januarie – Soos Jesus met ander
2 Korintiërs 3: 18 Hoe leer ’n mens soms die maklikste van ’n ander kultuur of geloof? Meestal deur waarneming en dit is presies hoe mense ook soms van ons geloof leer! Die wêreld kyk na ons as gelowiges as hulle iets oor Christus wil leer, as hulle iets oor ons...
Woensdag 14 Januarie – Vir my en jou…
Johannes 17 Ons lees in die Nuwe Testament hoe Jesus na die Vader gebid het en ons neem waar van wat in Jesus se hart woon, wat hy koester, en selfs wat sy hoop vir die toekoms is. Ons hoor vir die eerste maal in Johannes 17 hoe Jesus ’n gebed vir my en jou opdra aan...
Dinsdag 13 Januarie – Is jy braaf genoeg?
Matteus 11: 25-30 Jesus nooi ons uit: Kom na My toe, almal wat uitgeput en oorlaai is, en Ek sal julle rus gee. Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. My juk is sag en my las is lig (Matt...
Maandag 12 Januarie – Die sout soos Jesus in ons wêreld
Matteus 3: 13 Matteus 5 bevat die bevel aan gelowiges om soos Jesus die lig in die wêreld te wees. Dit is egter nie die enigste bevel van dié natuur nie. Matteus 3: 13 lees as volg: Julle is die sout vir die aarde. Wat beteken dit om die sout van die aarde te wees?...
Sondag 11 Januarie (Eerste Sondag ná Epifanie) – Die lig soos Jesus in ons wêreld
Matteus 5: 14-16 Die woorde: Hou moed, Jesus is ons lig in hierdie wêreld, moedig ons in moeilike tye aan. In Matteus 5 lees ons: Julle is die lig vir die wêreld. ’n Stad wat op ’n berg lê, kan nie weggesteek word nie; ook steek ’n mens nie ’n lamp op en sit dit onder...