Dinsdag 9 Junie – Soms raak sukses ’n bedreiging
Matteus 5: 1-12
Ons leer vandag verder uit die saligsprekinge in Jesus se bergrede. Ons kyk na ’n praktiese probleem in ons eie lewens, hoekom ons soms sukkel om mekaar te vind en dan leer ons by Jesus hoe ons eerder moet optree.
In vers 7 lees ons dat Jesus sê dat hulle wat barmhartig is barmhartigheid sal ontvang. Waar ek vir ’n ander genade het, daar maak ek myself ook oop vir genade en barmhartigheid. Gestel ek en my suster gesels oor iets. Sy was nog altyd ’n hoë presteerder en nou vertel sy my van iets wat sy onlangs reggekry het. Dis ’n suksesverhaal! Sy deel haar vreugde met my, maar ek val haar heeltyd in die rede. Ek wys haar op die foute wat sy gemaak het en ek gee raad oor hoe sy dalk nog beter kon doen. Dadelik vertel ek ’n storie van hoe ek nog ’n gróter prestasie bereik het. Dit raak soos ’n kompetisie! Eintlik is ek besig om my suster net so bietjie terug te bring na haar plek toe: Jy het dalk goed gedoen, maar moet net nie grootkop kry nie, hoor! As ek eerlik wil wees, dan is my suster se sukses eintlik ’n bedreiging vir my. Ek is so bang mense sien haar raak en nie vir my nie. Ek is so bang hulle vergeet van my of dink dat ek nie belangrik is nie. Daarom moet ek heeltyd tussen-in iets sê, heeltyd kritiseer en net so bietjie my hou inkry.
Nou begin ons om vir Jesus te hoor: Iemand wat altyd afkraak en altyd die belangrikste wil wees; so iemand word uitgestoot, want my onsekerheid doof jou liggie uit. Maar as ek die een is wat raaksien, as ek opreg belangstel en na jou luister, dan sal mense vir my plek maak in hul lewens.
Gebed
Jesus, help my om nie ’n bedreiging in mense te sien nie. Leer my weer om barmhartig en vrygewig te wees, ook met liefde en menswaardigheid. Want dan maak ek myself oop om dit ook te ontvang. Amen.
Ds Pieter Rossouw, Mafeking / Zeerust
Dinsdag 9 September – Liefde, liefde, liefde
1 Johannes 4: 7-21 Die meeste van ons sukkel om die begrip liefde ten volle te begryp. Selfs in Jesus en Johannes se tyd was dit so. Die woord liefde (agape) kom 29 keer in hierdie kort verse voor. Dis duidelik waaroor hierdie verse gaan. Liefde. Ongelukkig is liefde...
Maandag 8 September – Wat gee ons vir ander te ete?
Genesis 3: 1-7 Vandag draai ons ons aandag na Genesis 3: 1-7 waar ons die verhaal van Adam en Eva in die tuin van Eden herontdek. Hierdie heilige ruimte vol oorvloed en skoonheid is ’n simbool van God se goedheid en voorsiening. Hier, te midde van die prag van die...
Sondag 7 September – God se goedheid en verlossing
Psalm 34 (AFR53) Psalm 34 is ’n lied van Dawid. Dit begin met ’n vreugdevolle verklaring: Ek wil die Here altyd loof; sy lof sal altyddeur in my mond wees (vers 2). Dawid se woorde herinner ons aan die belangrikheid van voortdurende dankbaarheid en lofprysing, ongeag...
Saterdag 6 September – ’n Nuwe lewe deur Christus se opstanding
1 Petrus 1: 3-5 Op ’n foto in ’n koerant sien ek ’n tyd gelede ’n merkwaardige gesig. Op die agtergrond sien ’n mens ’n ruïne. Russiese tenks het ’n klein dorpie in Tsjetsjnië feitlik heeltemal verwoes. Op die voorgrond stap daar egter ’n sewejarige seuntjie en...
Vrydag 5 September – Nuwe lewe in die woestyn
Genesis 16: 1-16 Hagar is ’n swanger meisie in die woestyn. Haar jong en ongelukkige lewe is op ’n absolute laagtepunt. Haar lewensgeskiedenis tot op hierdie punt lees soos ’n nagmerrie: As jong, waarskynlik tienermeisie, deur haar Egiptiese ouers aan die vermoënde...
Donderdag 4 September – Die belofte van die opgerolde doek
Johannes 20: 1-10 Die grootste van alle voorbeelde van nuwe lewe in die ganse Skrif, is natuurlik die beskrywings van die opstanding van Jesus Christus, ons Here! In die Johannes-weergawe is daar ’n interessante en veelseggende verwysing dat met Simon Petrus se...