Vrydag 29 Mei – Pinksterfees: Gehoorsame gehoor
Esegiël 36: 26-27
Ons het tans ’n klein seuntjie en die tema gehoorsaamheid is iets waaroor ons baie praat. Dit is wonderlik om te sien hoe kinders hul eie stemme begin vind, hul eie idees vorm en eie maniertjies ontwikkel. Om dit te bestuur sodat ’n kind steeds luister na raad, insig en kennis is vir ’n peuter (en sy ouers) ’n groot uitdaging.
Seker nie net vir peuters en hul ouers nie, maar vir gelowiges wat koppe EN harte het wat praat. Vir gelowiges wat geweld EN genade ken, en ore het wat hoor en oë wat sien. Een van die kragtigste gevolge van Pinkster is dat die Heilige Gees ons nie net verander in status voor God nie, maar in houding teenoor God. Die Gees bring nie slegs troos of krag nie, maar ook ’n nuwe gesindheid – gehoorsaamheid vanuit ’n veranderde hart.
Gehoorsaamheid is nie altyd gewild nie. Ons assosieer dit maklik met plig of selfs skuldgevoel. Maar die Gees verander die bron van ons gehoorsaamheid. Dis nie meer iets wat van buite op ons gedruk word nie, maar iets wat van binne groei. God sê Hy sal ’n nuwe gees en ’n nuwe hart gee – een wat gewillig is om Hom te volg.
Wanneer die Gees in ons werk, begin ons om God se wil te soek, nie uit vrees nie, maar uit liefde. Ons begin vra: Wat wil U hê, Here? Waarheen stuur U my? Wat moet ek laat staan? Dié vrae word nie ’n las nie, maar ’n voorreg.
Gehoorsaamheid in die Gees beteken nie volmaaktheid nie, maar ’n voortdurende beweeg in die rigting van Christus. Selfs wanneer ons struikel, rig die Gees ons op, lei ons terug, en herinner ons aan wie ons is: kinders van God, geroep om te leef tot sy eer.
Pinkstertyd herinner ons dat die Gees gehoorsaamheid moontlik en mooi maak.
Gebed
Heilige Gees van God,
U wat lewe gee en harte verander,
kom woon in my en lei my op u pad.
Waar my wil teenstribbel, bring U sagtheid.
Waar ek traag is om te volg, gee U moed.
Waar ek hardkoppig is, breek U saggies oop.
Here, ek wil U gehoorsaam – nie uit vrees nie, maar uit liefde.
Skenk my ’n hart wat u stem herken
en voete wat gewillig stap waar U lei.
Laat u Woord vir my ’n lamp wees,
en u Gees my gids in elke besluit.
Amen.
Ds Leanie Lemmer, Bellville
Saterdag 5 Julie – Geesdriftig toegerus (7) – as predikant
2 Timoteus 4: 1-9 Ek beveel jou voor God en voor Christus Jesus wat die lewendes en die dooies sal oordeel, ek beveel jou met die oog op sy koms en sy koningskap: verkondig die woord; hou daarmee vol, tydig en ontydig; weerlê, bestraf, bemoedig deur met alle geduld...
Vrydag 4 Julie – Geesdriftig toegerus (6) – as ouderling
Handelinge 20: 17-38 Pas julle self op en die hele kudde wat die Heilige Gees onder julle sorg gestel het. Soos wagters ’n kudde versorg, so moet julle die gemeente van God versorg wat Hy vir Hom verkry het deur die bloed van sy eie Seun (Hand 20: 28). Wat is ’n...
Donderdag 3 Julie – Geesdriftig toegerus (5) – as diaken
Handelinge 6: 1-8 Die voorstel het by al die gelowiges byval gevind, en hulle het Stefanus gekies, ’n man met ’n vaste geloof en vol van die Heilige Gees... (Hand 6: 5). Ons staan ’n bietjie stil by die besonderse ampte wat die Here vir sy kerk gee, naamlik diaken,...
Woensdag 2 Julie – Geesdriftig toegerus (4) – as koning
Hebreërs 12: 1-12 Julle het nog nie so teen die sonde weerstand gebied dat dit vir julle ’n stryd om lewe of dood geword het nie (Heb 12: 4). Wat is die take van ’n koning? ’n Koning moet met wysheid sy gebied en onderdane bestuur en beskerm. Ons Koning, Jesus...
Dinsdag 1 Julie – Geesdriftig toegerus (3) – as priester
Romeine 12: 1-8 Gee julleself aan God as lewende en heilige offers wat vir Hom aanneemlik is. Dit is die wesenlike van die godsdiens wat julle moet beoefen (Rom 12: 1). Priesters in die Ou Testament se taak was om te offer, te bid en die volk te seën. Dit alles was...
Maandag 30 Junie – Geesdriftig toegerus (2) – as profeet
Jeremia 1: 4-8 Toe sê die Here vir my: Jy moenie sê: “Ek is te jonk” nie. Jy moet gaan na wie toe Ek jou ook al stuur, en alles wat Ek jou beveel om te sê, moet jy sê (Jer 1: 7). Wat is ’n profeet? ’n Profeet is iemand wat deur God geroep is om sy wil en woord aan...