Maandag 25 Mei – Pinksterfees: Krag om te beweeg
Handelinge: 1: 8
Elke jaar hierdie tyd praat ons oor Pinkster. Elke jaar hierdie tyd wonder ons weer oor ons idees van die Gees. En hopelik elke jaar hierdie tyd word ons uitgedaag om dalk nuut te dink oor konsepte wat ons nog altyd aan vasklou wanneer dit by die Heilige Gees kom.
Ons praat steeds oor hoe om in die tyd van die Pinksterfees deur die Gees beweeg te word.
En kom ons wees eerlik – dit is nie altyd maklik nie.
Jy word dalk moeg. Jy het nie die krag om hierdie persoon aan te hou wees nie.
Dit vat baie van jou. Baie van jou tyd, jou geld, jou inspanning, jou kreatiwiteit om te wees wat die Gees in jou hart wakker maak.
Maar een van die wonders van Jesus se koninklike werk en een van die aspekte waarop ons kan staatmaak, is dat ons krag sal ontvang. Jesus beskik oor die vermoë om aan ons die krag te gee waaroor mense net kan droom.
Sal ons moeg word? Dalk ja, maar krag sal ons kry. Die Griekse woord vir krag is: dynamis, bonatuurlike vermoë, potensiaal. Dit laat my dink aan die woord dinamies. Dieselfde woord word gebruik wanneer daar verwys word na die krag wat Jesus uit die dood uit opgewek het.
En dit is vir ons daar deur die Heilige Gees.
Dieselfde krag wat ons sal help om te verander en vernuwe, wat vir ons wedergeboorte en heiligmaking bring.
Dieselfde krag wat ons lei in waarheid en vrede.
Dieselfde krag wat ons uitstuur om met oortuiging liefde te leef.
In die vroeë kerk, soos in Handelinge, is gewone mense met buitengewone krag vervul om die krag te hê om te beweeg.
Gebed
Heilige Gees, vul my vandag met nuwe krag. Maak my ’n getuie van Jesus – nie net met my woorde nie, maar ook met my lewe. Lei my, verander my, en gebruik my tot eer van u Naam. Amen.
Ds Leanie Lemmer, Bellville
Woensdag 11 Junie – Niemand kan sê Jesus is die Here nie, behalwe deur die Heilige Gees
1 Korintiërs 12: 1-3 Om te sê en te bely dat Jesus die Here is, is om ’n kragtige geloofsbelydenis uit te spreek. Terwyl Jesus op die aarde as ’n mens geleef het, het Hy as Jesus bekend gestaan. Met verloop van tyd het sy dissipels besef dat Hy die Christus, die...
Dinsdag 10 Junie – Die groot sonde: om nie in Jesus Christus te glo nie
Johannes 16: 5-15 In Johannes 16: 9 sê Jesus vir sy dissipels: Die wêreld is skuldig aan die sonde, want die wêreld glo nie in My nie. Jesus sê dit teen die agtergrond van die Heilige Gees, die Voorspraak, wat kom om die wêreld te oortuig dat Jesus die Christus is, en...
Maandag 9 Junie – Die Heilige Gees is God se onsigbare teenwoordigheid by ons
Johannes 14: 15-31 Ons het so pas saam met die kerk van Jesus Christus oor die wêreld heen die hemelvaart van ons Heiland herdenk. Die groot gevaar is dat die dissipels kon dink dat Jesus se hemelvaart ’n wegvaart was. Dat die hemelvaart beteken dat Jesus daar ver bo,...
Sondag 8 Junie (Pinksterfees) – ’n Geweldige groot krag tot beskikking van dié wat glo
Efesiërs 1: 1-23 Aan God, die Vader van ons Here Jesus Christus, kom al die lof toe! Hy het ons in Christus geseën met al die seëninge van die Gees wat daar in die hemel is (Ef 1: 3). Hierdie lofprysing aan God Drie-enig weerklink telkens in die eerste en verdere...
Saterdag 7 Junie – Deur sy Gees laat Hy wederliefde spruit
1 Korintiërs 13: 1-13; Matteus 22: 34-40 Min dinge in hierdie lewe het ewigheidswaarde. Paulus herinner ons daaraan dat daar wel drie dinge is wat ewigheidswaarde het: geloof, hoop en liefde, en dat die grootste hiervan die liefde is. Die liefde is geduldig,...
Vrydag 6 Junie – Ingeplant in die wingerdstok
Johannes 15: 1-8; Galasiërs 5: 22-26 Galasiërs 5: 22-23 gee my geweldige hoop vir die mensdom. Dink net hoe wonderlik sou dit wees as almal so wil leef? ’n Mens kan seker redeneer dit is nie moontlik nie, want ons is maar net menslik en heel dikwels kies ons om...