Maandag 26 Oktober – Alles is die werk van die Heilige Gees!
Efesiërs 1: 15-23
Hou ek ook nie op om God vir julle te dank nie. Wanneer ek in my gebede aan julle dink, bid ek dat die God van ons Here Jesus Christus, die Vader aan wie die heerlikheid behoort, deur sy Gees aan julle wysheid gee en Hom so aan julle openbaar dat julle Hom werklik kan ken (Ef 1: 16-17).
God is in sy kerk teenwoordig en Hy doen alles wat nodig is sodat sy kinders, sy kerk, Hom kan leer ken soos Hy werklik is. Nie deur dit wat wie ook al van Hom sê nie. Dit is tog in elke geval net mense se getuienis van hul ervaring, of idees of vooropgestelde opvattings oor God. Ons kan dit noem: ’n sekondêre getuienis.
Vir hierdie suiwer kennis van Homself is die Heilige Gees die een wat intree en in die persoon wat met die Hemelse Vader in verhouding begin lewe se oë oopmaak om God so in sy Woord te leer ken dat daardie kennis nooit weer deur iets anders verdring of verwar kan word nie. Mense wat God só leer ken, hou hulle besig met dit wat God húlle van oortuig, belangrik is. Vanuit hierdie perspektief is Paulus besig om mense aan te moedig om in die voetspore van die Here Jesus Christus te leef.
Verkondig die evangelie, vergewe, wees gasvry, tree só op dat ander mense ook ons God wíl leer ken, soos hulle Hom in óns lewe raaksien.
Gebed
Heilige Gees, leer my om in ons Lewende Vader se teenwoordigheid te leef. Dankie dat ek deel is van u kerk, wat U self gevorm het en steeds in stand hou.
Amen.
Ds Barrie Oberholzer, Grootfontein / Tsumeb
Sondag 2 Augustus – Geloofsgroei begin by jou
Efesiërs 4: 1-16In Paulus se brief aan die Efesiërs herinner hy ons daaraan dat ons lewenswandel met die roeping wat ons van God ontvang het in oorstemming moet wees. Ons moet lewe met integriteit. Geloof is nie net iets wat in jou hart gebeur nie. Geloof gebeur ook...
Saterdag 1 Augustus – Geloof verander die reëls van die lewenspel
Genesis 13: 1-18; Galasiërs 3: 15-20Die episode tussen Abram en Lot in Genesis 13 speel soos ’n bordspeletjie af. Dit het só voorspoedig met beide Abram en Lot gegaan dat hulle te min grond gehad het vir al hul vee. Die gevolg is dat daar rusie ontstaan onder hul...
Vrydag 31 Julie – Mensewerk of God se werk?
Handelinge 5: 17-42 Handelinge 5 is deel van ’n groter eenheid wat handel oor die verkondiging van die evangelie van Jesus Christus in Jerusalem. Op grond van die wonders wat Petrus en die ander apostels gedoen het, word hulle egter deur die godsdiensleiers in...
Donderdag 30 Julie – Watter stroom volg ons?
Esegiël 47: 1-12 As gelowiges probeer ons dikwels sin maak van hoe om ons geloof op ’n geloofwaardige manier uit te leef. Daar is soveel stemme, soveel opinies, soveel strominge in hierdie komplekse wêreld. Watter stroom volg ons? Esegiël 47 vertel van ’n stroom...
Woensdag 29 Julie – Ontnugterde geloof
Hebreërs 11: 1-16 Ontnugter. Hierdie woord is waarskynlik ’n raak beskrywing van hoe ons die lewe met tye ervaar. Om ontnugter te wees, beteken dat jy van alle illusies ontneem word, dat jy ruwe teleurstelling beleef. As gelowiges probeer ons om vanuit ons geloof sin...
Dinsdag 28 Julie – Geroepenes van God
Jeremia 1: 1-19 Ons het dikwels die wanopvatting dat net sekere mense geroep is tot sekere werke. As ons egter vanuit ’n geloofsperspektief na roeping kyk, sien ons die ganse Bybel vertel ’n roepingsverhaal. God is die Een wat roep – verskillende mense op verskillende...