Sondag 15 Februarie – Wag op die Here
Psalm 130
In ons verhouding met God beleef ons soms ongeduld. Veral wanneer ons wag op die verhoring van ons gebede. Ons wag dalk al so lank! Waarop en hoe wag jy? Abram en Sara het gewag om ’n kind te kry, die volk wag vir bevryding uit Egipte. Ons wag soms verkeerd. Dalk met ongeduld en onsekerheid, dalk voorskriftelik. Om op die Here te wag, vra van ons spesifieke aksie en gerigtheid.
Hierdie Psalmdigter wag geduldig op die vervulling van God se Woord. Ons word met die intrapslag ingetrek in die situasie van die Psalmdigter. Hierdie is nie ’n kitsgebed nie. Hy begin sy gebed met die woorde: Uit die dieptes roep ek na U. In vers 3 lees ons dat hy vrees dat God sy skuld in aanmerking sal neem. Hy is bewus daarvan dat sy skuld ’n inpak het op sy verhouding met God. Sonde het ’n verwoestende uitwerking op ons verhouding met God en mense. Sou hy nog kan bestaan as God sy sonde in aanmerking neem?
In die tweede gedeelte lees ons dat sy roep nie hopeloos is nie. Hy is vas oortuig van die vergiffenis van sonde. Hy stel sy vertroue in die Here en wag op die vervulling van sy Woord. Hy sê hy wag op die Here meer as die wagte op die môre.
Israel het die praktyk van nagwagte goed geken. Hulle nagte is in verskillende skoftes verdeel. Die laaste wagter se skof het van 03:00 tot sonsopkoms geduur. Dan was die nag op sy donkerste, vol gevare, maar hy het die vooruitsig gehad van die lig wat gaan deurbreek. Die Psalmdigter gebruik die beeld om te sê sy afwagting vr God se ingrype is nog groter as die wag van die nagwag. Hy weet dit sal op die bestemde tyd gebeur. Hy vertrou op die Here want by Hom is daar troue liefde.
Op die bestemde tyd het God sy Seun as Lig na die wêreld gestuur. Hy sal ook in jou omstandighede ingryp.
Ds Manda le Roux, Weskus
Maandag 9 Februarie – God kies en roep
Markus 1: 16-20 Vissers was doodgewone mense wat hard gewerk het om vir hulle en hul families te kon sorg. Jesus ontmoet hulle met ’n boodskap: Volg My, en Ek sal jou ’n visser van mense maak (Mark 1: 17)! Volg my!, was die eerste opdrag. Toe Jesus vir hierdie manne...
Sondag 8 Februarie – Wanneer jy Jesus ontmoet
Handelinge 9: 1-19 Die verhaal van Saulus kan in met een woord opgesom word: genade. Saulus het na Stefanus se dood die leiding geneem om Jesus se volgelinge selfs tot in die uithoeke van die aarde te soek om hulle te vervolg. Baie van Jesus se dissipels het na ander...
Saterdag 7 Februarie – Die plig om te vergewe
Matteus 18: 21-35 Ek is seker ons elkeen was al in ’n situasie waar ons so kwaad was vir iemand dat dit gevoel het of ons hulle nooit sal kan vergewe nie. En tog as gelowiges word daar van ons verwag om te vergewe. Maar vergifnis is nie maklik nie. Die verhaal van...
Vrydag 6 Februarie – Nuwe seisoene in Christus
Kolossense 3: 5-17 Die natuur beweeg elke jaar deur vier bekende seisoene – herfs, winter, lente en somer. Elke seisoen bring verandering: blare begin val in die herfs, alles raak vaal as gevolg van die koue in die winter, nuwe lote begin later bot in die lente, en...
Donderdag 5 Februarie – Om voete te was
Johannes 13: 1-17 Ons verstaan mense beter as ons hul kultuur verstaan. In Suid-Afrika is dit byvoorbeeld ’n teken van respek om ouer mense oom of tannie te noem, selfs al is hulle nie familie nie. Vir iemand van ’n ander kultuur, soos ’n Amerikaner, kan dit vreemd of...
Woensdag 4 Februarie – Lewende water
Johannes 4: 1-26 Water – ons bron van lewe. Sonder water kan ons nie boer nie, ons kan nie eet nie, en ons kan nie oorleef nie. Ons is totaal afhanklik van water. Hoe dikwels het ons nie al gebid vir reën in tye van droogte nie? En hoe groot is die dankbaarheid...