Saterdag 27 Junie – Gelei deur die Gees
Handelinge 16: 6-10
Wanneer ons die Heilige Gees ontmoet en ontvang het, kan ons die Gees in verhouding leer ken en tot ’n baie beperkte hoeveelheid iets van die Gees verstaan. Ons kan die werking van die Gees beleef en vertrou en daarom kan ons gelei word deur die Gees.
As mense is ons dikwels so besig met ons eie beplanning. Ons raak so besig met dit wat ons wil doen, ons planne, ons drome, ons ideale dat ons vergeet om vir die Here te vra wat sy wil is. Watter planne, drome en ideale het God vir ons?
Dit is nie verkeerd om ons eie planne, drome en ideale te vorm nie. Ons moet wel deurlopend met God in gesprek wees daaroor en deurentyd bewus bly van die leiding van sy Gees.
Selfs Paulus die bekende apostel het sy eie planne gehad. Besig met die werk van die Here besluit Paulus dat hy Asië toe gaan. Paulus beweeg na die grens van Misië en probeer om oor te gaan na Bitinië. Hierdie gebied is in noord-oostelike Turkye net onder die Swartsee op pad na Asië. Hierdie plan en droom van Paulus het nooit gerealiseer nie, omrede die Heilige Gees hom gekeer het.
Die Heilige Gees keer Paulus om Asië toe te gaan, maar stuur hom na die Weste wat ons vandag as Europa ken. Die plan en die droom van die Here was dat Paulus na daardie tyd se Macedonië toe moes gaan.
Paulus het die Gees van God gehoorsaam en sy tweede sendingreis bring die geloof in Jesus Christus hom orals waar die Gees hom lei.
Ons kan soos Paulus luister na die leiding van die Heilige Gees en saam met die werking van die Gees werk na die drome en ideale wat God vir ons het.
Gebed
Here help my asseblief om die leiding van die Heilige Gees te vertrou en getrou te volg. Amen.
Ds Michael A Müller, Potchefstroom-Studente
Sondag 4 Januarie – Die natuur – spieëlbeeld van God se werking met ons
Jesaja 11: 1-9 In hierdie tyd van Epifanie kyk ons na die impak wat Jesus se lewe en bediening op die gelowiges van sy tyd en alle eeue gehad het. Jesus vernuwe ook ons denke oor die skepping van God. Dit is ons tema vir hierdie week. Die wisseling van seisoene, en...
Saterdag 3 Januarie – Voorneme om te ervaar
Hebreërs 4: 11-13 (AFR2020) Laat ons ons dan beywer om in daardie rus in te gaan, sodat niemand dalk in dieselfde patroon van ongehoorsaamheid verval nie. Want die woord van God is lewend en kragtig, en skerper as enige tweesnydende swaard. Dit dring deur tot by die...
Vrydag 2 Januarie – Voorneme om te weet
Jakobus 1: 5-8 (AFR2020) As enigiemand van julle wysheid kortkom, laat hy dit vra van God, wat aan almal gee, sonder voorbehoud en sonder verwyt, en dit sal aan hom gegee word. Maar hy moet in die geloof vra, sonder om enigsins te twyfel, want wie twyfel, is soos ’n...
Donderdag 1 Januarie – Voorneme om te luister
Spreuke 4: 20-23 (AFR2020) My seun, slaan ag op my uitsprake; spits jou ore vir my woorde. Laat hulle nie aan jou oë ontglip nie; bewaar hulle diep in jou hart. Want dit is die lewe vir hulle wat dit vind; vir die hele liggaam bring dit genesing. Bewaak jou hart meer...
Woensdag 31 Desember – Oujaar – nuwe lewe
Esegiël 37: 10 Die laaste dag van die jaar vul ’n mens met dankbaarheid vir dit wat was en opgewondenheid oor dit wat voorlê. Ons oortuig onsself as’t ware dat oor minder as 24 uur die lewe meer rooskleurig gaan wees bloot omdat die laaste syfer van ons jaartal...
Dinsdag 30 Desember – Spreek hoop in die laagte
Esegiël 37: 7-9 Brueggemann sê dat ons as gelowiges ’n tweeledige profetiese taak het. Dit beteken dat ons die verantwoordelikheid het om die waarheid te praat oor ons omstandighede en ons realiteit. Ons mag/moet onreg, pyn en onsekerheid by die naam noem en dus nie...