Donderdag 2 Julie – Baie diep haal Hy my uit
Psalm 18: 1-25
Aan die begin van die Psalm sê Dawid hoe lief hy die Here het. Aan die einde van die verse sê Dawid hoe lief God hóm het.
Dit is by die Here waar hy krag kry en veilig voel. Wanneer hy bedreig word wend hy hom tot die Here. God is die een wat tot sy hulp kom. Hy roep en roep en roep en roep om hulp na sy God.
Dit gebeur onder omstrede omstandighede wat hy met ryk beelde beskryf. Ons kan die bande van die dood sien as lang, dik toue wat vanaf Sheol, die dodereik onder die see, uitskiet en om Dawid se middel, arms en bene sirkel en vastrek. Dit maak knope wat hy nie kan losmaak nie en begin hom trek, sleep, aftrek.
God reageer. Hy hoor. Hy luister.
Dawid skets hierdie beeld van God waar Hy hom te hulp snel:
Die aarde skud. God is kwaad. In sy woede buig Hy die hemel oop. Hy vlieg met spoed en majesteit op ’n gerub. Gerubs is magtige hemelwesens wat God se heerlikheid, heiligheid en magtigheid uitbeeld (Esegiël; Openbaring).
God laat sy stem hoor in hael en weerlig. Die rook, verterende vuur en gloeiende kole wys op God se oordeel.
Duisternis, donkerte, donker water en wolkemassas. ’n Gloed, hael en weerligstrale. Dawid beskryf ’n verwoestende, onkeerbare storm. Die aanval word gerig op Dawid se vyande. God bulder op hulle met die orkaan van sy toorn met soveel krag dat die winde van sy asem die seebodem sigbaar maak.
God strek sy hand uit en gryp Dawid waar hy hulpeloos deur die doodsbande afgetrek word in die diep geweldige waters in. God lig hom uit, breek hom vry en laat Dawid behoue in vryheid uitgaan.
Is hierdie dramatiese beeld vergesog? Of eintlik akkuraat? Hoeveel keer het die Here nie vir u bewaar van gewisse skade nie? Snel God u nie juis te hulp en breek die bande van die dood deur Jesus se reddingsoffer op die kruis nie?
Ds Aniena Jansen van Rensburg, Leeudoringstad
Dinsdag 14 Oktober – God ondersoek die gesindheid van die hart
Jeremia 31: 26-34 Jeremia bring hierdie belofte na die volk in ballingskap. Die Here sou nie net weer die volk terugbring en alles sou wees soos dit was nie. Die Here sou met hierdie volk oorbegin. Hy beloof dat Hy in die toekoms ’n nuwe verbond met die volk sal...
Maandag 13 Oktober – Die Here bou sodat sy Naam geëer sal word
Esegiël 36: 16-38 Die tempel was vir die volk die teken van God se teenwoordigheid. In ’n vreemde land is hulle gestroop van hierdie versekering. Deur Esegiël sê die Here vir sy volk hoekom hulle in hierdie haglike omstandighede is: Hulle het die Naam van die Here...
Sondag 12 Oktober 0150 God maak nuut en herbou
Jesaja 65: 17-25 Die volk is in ballingskap weggevoer deur die Assiriërs. Uiteindelik hoor die Here die noodkreet van sy volk. Die koning van die Assiriërs het gesterf en die nuwe koning laat toe die volk huis toe gaan, sodat hulle hul tempel in Jerusalem weer kon...
Saterdag 11 Oktober – Vreesloos saam met God
Genesis 12: 1-9 Ná Abram se ontmoeting met God het sy lewe verander. Miskien oor die opdrag wat die Here vir hom gegee het: Trek uit jou land uit, weg van jou mense en jou familie af na die land toe wat Ek vir jou sal aanwys. Abram moet oor begin. Hy moet van die...
Vrydag 10 Oktober – God kies en roep
Genesis 12: 1-9 In die geskiedenis van die volk Israel is daar ’n klompie dinge wat gebeur het waaroor hulle skaam was. Hierdie volk het miskien, soos baie van ons vandag, gehunker na ’n oorbegin. Genesis 12 is die eerste hoofstuk van God se oorbegin met die mense van...
Donderdag 9 Oktober – Samekomste van die gemeente
Hebreërs 10: 19-25 In die alledaagse gejaag van die lewe is ons voortdurend op soek na kitsoplossings. Ons wil nie sukkel nie en alles moet so vinnig en maklik moontlik wees. Dit is ongelukkig ook ’n beginsel wat in ons geloofslewe toegepas word. Ons kies om nie meer...