Die Kerk het met hartseer verneem van die afsterwe van ds JP Janse van Rensburg op 9 Februarie in die ouderdom van 63 jaar.
Ds Paul Janse van Rensburg is op 12 April 1962 gebore en word op 28 November 1991 gelegitimeer na hy die grade BA en BD voltooi het. Hy is op 1 Januarie 1992 in Gemeente Allanridge georden en dien vanaf 1992 in Gemeente Clocolan. In 2000 studeer hy verder en aanvaar in 2003 ’n beroep na Gemeente Primrose. Hy aanvaar emeritaat in 2018.