Gedurende Desember 2021 is twee van die NHKA se emerituspredikante oorlede.
Ds PS (Piet) van Staden (95), vader van dr P (Piet) van Staden van Stellenbosch/Worcester, is Maandag 20 Desember oorlede. Sy gedenkdiens het op 8 Januarie in Gemeente Witrivier plaasgevind en is gelei deur sy seun, dr Piet. Ds Van Staden is in 1950 georden en het gedien in gemeentes Mafeking, Parys, Van der Hoff, Nelspruit en Vryburg, en het in 1985 emeritaat aanvaar. Ons innige simpatie gaan aan mev Marthina van Staden, dr Piet en hul familie.
Ds JR (Jan) Kramer (66) is Sondag 26 Desember oorlede na sy stryd met kolonkanker. Sy troosdiens het op 6 Januarie in Gemeente Elsburg plaasgevind, en is gelei deur ds James Jooste. Ds Kramer is einde 1978 georden en het gedien in Voortrekkerhoogte en gemeentes Elsburg en Witfield. Ons innige simpatie gaan aan mev Maryna Kramer en hul seun, ds Marius Kramer, en die familie. Mev Kramer het ook vroeër in Desember ’n swaer aan die dood afgestaan, en ondervind self gesondheidsprobleme.
Op 12 November 2021 is mev Issie Koekemoer (82), vrou van emerituspredikant prof JH (Johan) Koekemoer, ook oorlede, en op 30 Desember 2021 mev Marietjie van Schalkwyk, weduwee van ds CJ (Kerneels) van Schalkwyk wat in 1980 oorlede is. Sy het die dag voor haar dood 90 geword. Ons innige simpatie gaan aan mev Koekemoer en mev Van Schalkwyk se naasbestaandes.