Nuus vanuit die AKV

Verkiesings en ander nuus

Ds L (Leon) Geel (sr)

Voorsitter

Dit is met groot trots dat die Kerk bekend maak dat Ds L (Leon) Geel (sr) tydens die 74ste Algemene Kerkvergadering as voorsitter van die Kommissie van die AKV verkies is. Die Kerk sien uit na die wyse waarmee ds Geel die Kerk gaan dien. Ons wens hom ’n geseënde termyn toe.

Ds Geel is op 27 November 1986 gelegitimeer en daaropvolgend op 3 Mei 1987 georden. Tydens sy diensplig is hy werksaam in Gemeente Potchefstroom-Suid en ook sedert 1989 in Gemeente Noordelike Pretoria. Hy betree Potchefstroom-Studente vanaf 1995 en daarna vestig hy hom sedert 2004 in Gemeente Grimbeekpark (Potchefstroom). Die Kerk spreek haar dankbaarheid uit teenoor sy toewyding en sy bediening van die Woord.

Ds JM (Janine) Bevolo-Manders

Skriba

Die Kerk maak graag bekend dat ds JM (Janine) Bevolo-Manders as skriba verkies is om op die nuwe Kommissie van die Algemene Kerkvergadering te dien. Die Kerk wens haar ‘n geseënde termyn toe en kyk met opgewondenheid toe na die bydrae wat sy gaan lewer in die termyn wat voorlê.

Ds Bevolo-Manders is op 30 November 1995 gelegitimeer en daaropvolgend op 13 Oktober 1996 georden. Sy was werksaam in Gemeente Wonderboom (deelsorg) in 1996, Gemeente Hartebeeshoek (deelsorg) 1999 en in ’n voltydse kapasiteit sedert 2000. Sy is tans werksaam by Gemeente Witfontein (deeltyds) sedert 2011. Sy het ook by Gemeente Rustenburg-Tuine van 2021 gedien tot einde Januarie 2025.

Ds CEC (Colin) Hertzog

Visevoorsitter

Dit is met blye gemoed dat die Kerk kan meedeel dat ds (CEC) Colin Hertzog verkies is as visevoorsitter op die Kommissie van die Algemene Kerkvergadering. Die Kerk wens hom voorspoed toe vir die termyn wat voorlê soos hy leiding en ondersteuning bied op die Kommissie.

Ds Hertzog CEC (Colin) is op 25 November 1993 gelegitimeer en vervolgens op 16 Januarie 1994 georden. Hy doen diens in Gemeente Harare sedert 1994, Gemeente Middelburg/Middelburg-Noord vanaf 1999. Vanaf 2002 is hy die leraar by Gemeente Middelburg-Noord.

Dr SM (Sanrie) de Beer

Viseskriba

Die Kerk maak graag bekend dat dr SM (Sanrie) de Beer as viseskriba verkies is om op die nuwe Kommissie van die Algemene Kerkvergadering te dien. Die Kerk wens haar ’n geseënde termyn toe en kyk met opgewondenheid toe na die bydrae wat sy gaan lewer in haar termyn wat voorlê.

Dr De Beer is op 30 November 1995 gelegitimeer en daaropvolgend op 2 Julie 1997 georden. Sy doen diens in Gemeentes Villieria (deelsorg) 1997, Wesmoot (deelsorg) 1997 en sedert 2001 in ’n voltydse kapasiteit, Philadelphia (deeltyds) 2008 en voltyds sedert 2011. Sy is sedert 2019 tot 2022 betrokke by Bybelgenootskap van Suid-Afrika. Sy is vanaf 2024 ’n dosent by die HTK.

Dr C (Christo) Pretorius

Predikantslid

Dr C (Christo) Pretorius is op 26 November 1992 gelegitimeer en op 7 Maart 1993 georden. Hy verrig sy diensplig in 1993 te Voortrekkerhoogte. Hy dien in Gemeente Krugersdorp-Oos (deelsorg) vanaf 1994, Gemeente Postmasburg vanaf 1995, Gemeente Hendrina vanaf 1998, Gemeente Hendrina/Breyten vanaf 2004 en Gemeente Pretoria vanaf 2008. Dr Pretorius is sedert 2020 die leraar by Gemeente Pretoria/Wonderboom-Suid. Hy is vanaf 2024 betrokke as dosent by die HTK.

Dr FJ (Frikkie) Labuschagne

Predikantslid

Dr FJ (Frikkie) Labuschangne is op 28 November 1991 gelegitimeer en op 9 Maart 1992 georden. Hy verrig sy diensplig te Voortrekkerhoogte in 1992. Daarna dien hy in Gemeente Olifantsfontein (deelsorg) vanaf 1993, Gemeente Glencoe vanaf 1993, Gemeente Parys vanaf 2000 en Gemeente Sasolburg vanaf 2010. Hy word in 2011 verkies as die sekretaris: Kantoor van die Kommissie van die AKV. Hy is vanaf 2014 leraar in Gemeente Olifantsfontein. Hy dien as algemene sekretaris in 2015 en tree op as direkteur vir die Sentrum vir Gemeentelike Bediening (SGB) vanaf 2020. Hy is sedert 2024 dosent by die HTK.

Dr DJC (jr) (Daan) van Wyk

Sekundus Voorsitter

Dr DJC (Daan) van Wyk (jr) is op 26 November 1992 gelegitimeer en op 27 Februarie 1994 georden. Hy dien by Gemeente Zuurfontein vanaf 1994, Gemeente Wolmaransstad vanaf 2001, Gemeente Zoutpansberg-ringsbenoeming vanaf 2014, Gemeente Laeveld vanaf 2015, Gemeente Ebenhaëzer vanaf 2017. Hy is leraar by Gemeente Van der Hoff sedert 2023. Dr Van Wyk tree in 2010 op as voorsitter van die AKV.

Prof J (Jaco) Beyers

Sekundus Skriba

Prof J (Jaco) Beyers is op 24 November 1994 gelegitimeer en op 28 Januarie 1996 georden. Hy dien in Gemeente Kempten/Kempton Park-Oos vanaf 1996, Gemeente Verwoerdburg vanaf 1999, Gemeente Verwoerdburg (deeltyds) vanaf 2003, Gemeente Van der Hoff vanaf 2004, Gemeente Verwoerdburg vanaf 2008. Sedert 2011 tree hy op as dosent en dien in Gemeente Verwoerdburg vanaf 2014. Hy is departementshoof vanaf 2021 tot 2024. Hy is tans leraar in Centurion-Oos. Hy is adjunkdekaan van die Fakulteit Teologie en Religie aan die Universiteit van Pretoria (UP) vir die termyn 2022-2026.

Ds JT (Jimmy) Manders

Sekundus visevoorsitter

Ds JT (Jimmy) Manders is op 24 November 1994 gelegitimeer en op 19 Maart 1995 georden. Hy dien in Gemeente Wapadrant (deelsorg) in 1995 en is die leraar in Gemeente Witfontein sedert 1995.

Dr RC (Marina) Kok-Pretorius

Sekundus viseskriba

Dr RC (Marina) Kok-Pretorius is op 21 November 2019 gelegitimeer en op 26 Januarie 2020 georden. Sy is die leraar in Gemeente Potchefstroom sedert 2020. Sy is vanaf 2024 ’n dosent by die HTK.

Dr JM (Thinus) van Staden

Sekundus predikantslid 1

Dr JM (Thinus) van Staden is op 25 Maart 2004 gelegitimeer en op 13 Junie 2004 georden. Hy dien in Gemeente Montana (benoeming) in 2004 en voltyds in Gemeente Montana sedert 2005.

Dr CB (Bernard) Prinsloo

Sekundus predikantslid 2

Dr CB (Bernard) Prinsloo is op 5 Desember 2013 gelegitimeer en is op 19 Januarie 2014 georden. Hy dien sedert 2014 in Gemeente Onverwacht.

Die Kerk stel graag die verkose lede van die intredende Kuratorium wat tydens die 74ste Algemene Kerkvergadering verkies is, aan u bekend.

Die kommissielede vir die Kuratorium bestaan uit dr (JM) Thinus van Staden, dr (DJC) Daan van Wyk (jr), ds (WJJ) Willem Kok, ds (JT) Jimmy Manders en ds (WA) Willem Dreyer (jr), ds (R) Rue Hopley en dr (MJ) Martin Slabbert. Die Kerk spreek haar seën oor die werksaamhede van hul termyn toe.

Dr (JM) Thinus van Staden

Dr (DJC) Daan van Wyk (jr)

Ds (WJJ) Willem Kok

Ds (JT) Jimmy Manders

Ds (WA) Willem Dreyer (jr)

Ds (R) Rue Hopley

Dr (MJ) Martin Slabbert

Toespraak van prof Rantoa Letsosa tydens die AKV

Tydens die 74ste Algemene Kerkvergadering het prof Rantoa Letsosa, dekaan aan die Fakulteit Teologie en Religie aan die Universiteit van Pretoria (UP), die afgevaardigdes en predikante toegespreek. Hy het sy waardering uitgespreek teenoor die vennootskap wat tussen die fakulteit en die NHKA seëvier.

Hy het uitgewys hoe dit ruimte skep sodat albei partye mekaar verantwoordbaar kan hou vir die opleiding van predikante. Die verhouding met UP is vir die Kerk waardevol in terme van die kwaliteitonderrig wat aan haar teologiese studente en toekomstige predikante verskaf word.

Kuratorium-erepenning

Die Kuratorium-erepenning is aan dr PB Boshoff (emeritus) deur ds JT Manders oorhandig by die 74ste Algemene Kerkvergadering. Dr Piet Boshoff se lewensverhaal is ’n getuienis van lewenslange toewyding en sy diepgaande verbintenis tot die Nederduitsch Hervormde Kerk van Afrika en die breër geloofsgemeenskap. Hy het met groot onderskeiding ’n uitstaande bydrae gelewer tot die Bybels-reformatoriese teologie in die Hervormde Kerk as akademikus en jarelange gemeente predikant.