Woensdag 24 September – Die tweede boek van God se openbaring
Psalm 19: 8-12
Die tweede gedeelte van Psalm 19 beskryf die waarde van God se wet. Die wet waarna hier verwys word, is die Torah, die eerste vyf boeke van die Bybel waarin die wet volgens die antieke Israeliete opgeskryf is. Vir ons as Christene beteken die wet egter meer as net dit. Dit is eerder die hele Woord, die ganse openbaring van God, wat tot finale uitdrukking kom in Jesus Christus, die vleesgeworde Woord.
Dit klink seker vreemd om van Christus as die openbaring van God se wet te praat. Baie maal word die vryspraak van Christus gebruik as verskoning om in sonde te volhard. Die apostel Paulus vra egter in Romeine 6: 1: Moet ons aanhou sonde doen sodat die genade kan toeneem? En in Romeine 6: 15: Kan ons nou maar sonde doen omdat ons nie onder die wet van Moses staan nie maar onder die genade? Beslis nie. Daarom is dit nodig om genuanseerd te praat oor God se wet.
Tradisioneel word die gebruike van die wet in drie verdeel. Eerstens is dit as die basis van ’n samelewing se wette met die doel om ongeregtigheid te voorkom. Die tweede gebruik is om die gelowiges te leer wat sonde is. Die derde gebruik is as reël van dankbaarheid. Dit is veral in die derde gebruik dat ons Christus leer ken. Paulus sê in Galasiërs 3: 23-24 (AFR53) dat voordat die geloof gekom het, is ons onder die wet in bewaring gehou… Die wet was dus ons tugmeester na Christus toe, sodat ons geregverdig kan word uit die geloof.
Ons kennis van die sonde dryf ons dan die arms van Christus in, om daar ons verlossing te soek en te leer hoe om ’n lewe uit dankbaarheid te lewe. Daarom dat ons saam met die Psalmdigter kan bely: Die bepalings van die Here is reg: … Hulle is kosbaarder as goud… Wie dit alles onderhou, groot is sy beloning (Ps 19: 10, 11, 12).
Ds Willem Dreyer, Groot Marico
Dinsdag 23 September – Die ewige debat: Godsdiens en die wetenskap
Psalm 19: 6-7 Sodra die Bybel begin praat oor die natuurlike wêreld, word daar onmiddellik ’n spanning geskep binne ons wetenskaplike wêreldbeskouing. Party mense lees die woorde van vers 6 oor die son wat soos ’n bruidegom uit sy slaapkamer hardloop as niks meer nie...
Woensdag 17 September – Mosterdsaadgeloof
Lukas 17: 5-10 (AFR2020) Dikwels gebruik Jesus beelde vanuit die natuur wanneer Hy na geloof en navolging verwys. In Lukas 9: 57-62 reageer Jesus op die stelling Ek sal U volg. Jesus antwoord: Die jakkalse het gate en die voëls van die hemel neste, maar die Seun van...
Dinsdag 16 September – Dans van die flaminke
Levitikus 11: 13-18 (AFR2020) Wie onthou die radiovervolgverhaal Dans van die flamink wat later ’n fliek geword het? Telkens kom dit by my op wanneer ek op my staptog die flambojante skouspel van die grootflaminke in die Milnerton-strandmeer sien. Die verskyning van...
Maandag 15 September – Die rooilug kondig aan…
Matteus 16: 1-4 Seelui het die gesegde: Red skies in the morning, sailors warning. Red skies at night, sailors delight. Hierdie wysheid was ook onder die Jode van die eerste eeu ná Christus bekend. Die lug is rooi in die aand wanneer stofdeeltjies in die atmosfeer...
Sondag 14 September – Branders wat breek en blaas
Psalm 93 Met trompetgeskal word die koms van die Koning aangekondig. Die dag van die Here word met die ramshoring aangekondig. In hierdie Psalm word gefokus op God as die Skepper en Onderhouer van die skepping. Hy regeer. Hy is Koning. Kenmerkend is sy majesteit,...
Saterdag 13 September – Dit is elke môre nuut
Klaagliedere 3: 22-23 (AFR53) Ons teks bring ’n boodskap van hoop en vertroosting te midde van swaarkry: ...dit is die goedertierenhede van die Here dat ons nie omgekom het nie, want sy barmhartighede het geen einde nie; hulle is elke môre nuut; u trou is groot (verse...
Vrydag 12 September – God se grootheid
Psalm 104 (AFR53) Psalm 104 besing God se grootheid in sy skepping. Dit begin met ’n oproep tot lofprysing: Loof die Here, o my siel! Here my God, U is baie groot! Met majesteit en heerlikheid is U bekleed (vers 1). Hierdie vers herinner ons dadelik aan God se...
Donderdag 11 September – As ons u werke aanskou
Psalm 8 Psalm 8 is ’n pragtige lied van Dawid wat ons herinner aan die majesteit van God en die wonder van sy skepping. Dit begin en eindig met dieselfde lofprysing: Here, ons Here, hoe wonderbaar is u Naam oor die hele aarde. Dawid se verwondering oor God se...
Woensdag 10 September – Weet jy nie?
Jesaja 40: 28 (AFR53) Hierdie vers is deel van ’n groter gedeelte waarin die profeet Jesaja God se grootheid en krag beskryf om die moed en hoop van sy volk te versterk. Die volk van Israel was in ballingskap en het gevoel dat God hulle vergeet het. Jesaja herinner...