Ds AV (Antonie) van Staden (52), nie-diensdoende predikant, is Dinsdagoggend 29 Augustus tuis na ’n hartaanval oorlede.
Ds Van Staden is op 26 Februarie 1995 georden en het gedien in Rustenburg-Suid/Rustenburg-Kloof, Stoffberg/Roossenekal en Sannieshof, waarna hy bedank het. Hy is in 2013 tot die bediening hertoegelaat en op 8 September 2013 georden, waarna hy in Welgelegen-Pietersburg gedien het. Hoewel hy voltyds by ZZ2 gewerk het, het hy elke Sondag in Louis Trichardt gepreek.
Hy is veras, en sy troosdiens daarna by Welgelegen-Pietersburg gehou.
Ds Van Staden laat sy vrou Gretha, tweelingseuns Jaco en Hardus (20) op universiteit en Soltech, en ’n dogter, Ester (12) in graad 6, agter. Ons innige simpatie gaan aan sy gesin en naasbestaandes.
