Dinsdag 3 November – Wie, wat, waar en hoe is God?
Jesaja 40: 12-31
Wie is hierdie God wat ons aanbid?
In ons skrifgedeelte het ons van enkele eienskappe van God gehoor, onder andere dat Hy nie ’n dooie, lewelose beeld is nie, maar lewend. Hy is die lewende God. Hy is Skepper.
Elders in die Bybel leer ons ook die volgende:
Genesis 17: 1b: Ek is God, die Almagtige. Hy is nie net magtig (soos die duiwel ook maar is en baie mense ook!) nie, maar Almagtig. Vir Hom is niks onmoontlik nie. Niks!
Deuteronomium 6: 4: Luister Israel, die Here is ons God, Hy is die enigste Here (AFR33/53). Daar is nie nog ’n ander God nie. Hy is voor alles en sal ná alles die Enigste wees. Alle ander dinge en mense wat as gode voorgehou word, is afgode/skyngode. Hy alleen is God.
Psalm 139: God sien alles, ken alles, bepaal alles. Hy is alomteenwoordig, maak nie saak waar ek my bevind nie. Hy is daar. Hy het my ook geskep. Selfs al my lewensdae is bepaal voor ek nog gebore was!
Jesaja 43: Hy ken my. Hy het my op my naam geroep nog voor ek was.
Psalm 121: Hy is my Beskermer. Ek hoef niks te vrees nie. Hy is die Getroue – is nooit aan sy woord ontrou soos mense se gewoonte is nie.
Psalm 103: Hy is ook barmhartig, genadig, lankmoedig en vol liefde.
Regdeur die Bybel kan ons gaan lees en oral sulke belydenisse oor God vind. Belydenisse wat tegelyk vertel van die mens se bietjie verstaan van God en van ons afhanklikheid van God. Ons sal Hom nooit absoluut volledig kan ken nie, want Hy is immers God.
So, wat sal ons dan van God kan begin sê? Hoe sal ons al die eienskappe van God kan opsom? Die beste wat ons kan doen, is om in die woorde van 1 Johannes 4: 8 en 9 te sê: God is liefde! Hiérin is God se liefde vir ons geopenbaar: sy enigste Seun het Hy na die wêreld toe gestuur sodat ons deur Hom die lewe kan hê.
Ds Hannelie Botha, Beroepafwagtend
Vrydag 18 September – God is in beheer
Job 38: 24-38Het jy al beleef hoe sterk die wind deur die nag kan waai? Dit kan behoorlik klink soos ’n groot storm wat wil aankom. Maar dan word jy in die oggend wakker en die hemel is weer oortrek met ’n wolkkombers en kry ons weer lekker koud. Maar die lente is in...
Donderdag 17 September – Ons is hier vir ’n rede
Handelinge 17: 26-27Hierdie verse wat ons gelees het, herinner ons aan ’n diepgaande waarheid: God is almagtig en heers oor elke aspek van ons lewens, ook waar en wanneer ons leef. Dit is nie per toeval dat jy op hierdie spesifieke tyd in die geskiedenis leef, of jou...
Woensdag 16 September – Vind rus in God
Matteus 6: 25-34Hoe belangrik is dit vir jou om te rus, om te herlaai? Hierdie kan dalk klink na ’n maklike vraag met ’n maklike antwoord, maar in die tyd waarin ons leef raak dit al hoe belangriker en ongelukkig al moeiliker. In ’n wêreld waar uitslae, status en...
Dinsdag 15 September – Eer Hom in woord en daad
Psalm 24Die Skepper van die aarde en alles daarop verwag by ons ’n lewenshouding en lewenspraktyke wat Hom bo alles eer en respekteer.Ons Here soek ons, Hy soek ons gemeenskap. Hy soek ons lof en aanbidding, ons diensbaarheid en liefde. Ons Here wil dat ons oral en...
Maandag 14 September – God is onmeetbaar
Psalm 19: 2-7Ons het al oor die see uitgestaar op ’n helder dag of die sonsondergang deur die Wildtuin se bome aanskou. Of een of ander natuurramp- of verskynsel wat ’n indruk op ons gemaak het. Laat dit ons anders oor God dink? En indien wel, hoe? Daar is verskeie...
Sondag 13 September – Wie is ek?
Psalm 8As ons na die skepping rondom ons kyk, na die grootheid van die ruimte, al die diere groot en klein, die diepte van die see en alles wat daarin leef dan kan ons maar vra: Maar wie is ek dat die Here na my omsien? Wie is ek dat die Here my ken? Wie is ek dat die...