Saterdag 31 Oktober – Dien!
1 Petrus 4: 7-19
Dit is onaanvaarbaar dat ’n mens dink daar is verworpenes, (teenoor uitverkorenes) wat nooit die versoening van Jesus sal smaak nie. Jesus was die finale verworpene, ook vir hulle…
’n Uitverkore kind van God kan nooit by ’n punt kom om enige mens as te sondig om gered te word te sien nie. So ’n denkrigting by mense wat maar self net uit genade gered is, is onhoudbaar. In die lig van 1 Petrus 4: 17-18 kan ons dan net sê dat as daar sulkes is wat nooit tot die geloof kom nie, Jesus nogtans hulle verwerping op Hom geneem het, en daarom het God dan ook die finale en ganse oordeel aan Hom oorgedra. Hy, Jesus , wat verkies het om al die straf op Homself te neem.
Vir ons is die opdrag gegee om dissipels te maak deur te doop en te leer. Ons getuig van die uitverkiesing in Jesus Christus vir alle mense. Jesus is die uitverkorene van God deur wie alle mense wat in Hom glo van hul eie uitverkiesing seker kan wees. ’n Mens wat deur geloof aan Jesus Christus vashou neem dan deel aan sý uitverkore posisie. Hulle sal lewe omdat Hy lewe. En hierdie lewe is ’n lewe van diens, soos Hy gedien het. Hulle het nou een roeping: Soos U My na die wêreld toe gestuur het, het Ek hulle ook na die wêreld toe gestuur; en ter wille van hulle wy Ek My aan U toe, sodat hulle ook deur die waarheid aan U toegewy kan wees (Joh 17: 18).
Die ander, hulle wat nog nie in Jesus Christus glo nie, mag nooit deur gelowiges verwerp of uitgesluit word nie, maar moet gedurig geroep en gedien word sodat hulle ook deur die roeping van Jesus bereik kan word en deel kan word van die uitverkorenes van God.
Hoe meer gelowiges bewus word van die naderende koms van die koninkryk van God, hoe dringender raak die oproep tot getuienis teenoor en diens aan die wêreld.
Ds Barrie Oberholzer, Grootfontein / Tsumeb
Maandag 31 Augustus – Liefde is nie afgunstig nie
Galasiërs 5: 26 Ons moenie verwaand wees, mekaar uittart of op mekaar afgunstig wees nie (Gal 5: 26). Hoe voel jy wanneer iemand meer guns as jy ontvang? Gun jy daardie persoon die nuwe motor of die vakansie of selfs die bevordering by die werk? Of vlam daar afguns en...
Sondag 30 Augustus – Jy is ’n nuwe skepping
Markus 2: 22Niemand gooi ook nuwe wyn in ou velsakke nie, want dan laat die wyn die sakke oopbars, en die wyn sowel as die sakke gaan verlore. Nuwe wyn word in nuwe sakke gegooi (Mark 2: 22).Daar is ’n winkelsentrum in ons omgewing wat opknapping ondergaan het. Die...
Saterdag 29 Augustus – As ’n gelowige eerlik kyk na selfvoldaanheid…
Openbaring 3: 14-22Laodisea was ’n strategiese, ryk stad, bekend vir sy bankstelsel, swart wol en mediese sentrum met oogsalf. Hierdie stedelike trots het oorgevloei na die gemeente: Ons is ryk, skatryk, en ons het niks meer nodig nie (Op 3: 17a), maar Christus kyk...
Vrydag 28 Augustus – As ’n gelowige eerlik kyk na die geleenthede wat God gee…
Openbaring 3: 7-13Die stad Filadelfia was klein, nie bekend vir politieke invloed of militêre mag nie, maar vir sy ligging op ’n strategiese pad en sy volgehoue stryd teen aardbewings. Te midde van hierdie broosheid, leef ’n klein gemeente aan wie Christus ’n brief...
Donderdag 27 Augustus – As ’n gelowige eerlik kyk na skyn en werklikheid…
Openbaring 3: 1-6Sardis was eens ’n stad van rykdom en mag – maar teen die tyd van hierdie brief het sy glorie al begin verbleik. Dieselfde geld vir die gemeente: aan die buitekant was daar ’n goeie naam, ’n reputasie van lewe, maar Jesus spreek hulle direk aan: Ek...
Woensdag 26 Augustus – As ’n gelowige eerlik kyk na wat verdra word…
Openbaring 2: 18-29Tiatira was ’n klein, ekonomies florerende stad, bekend vir sy handwerkers en gildes. Hierdie gildes het druk op gelowiges geplaas om deel te neem aan feesmaaltye wat afgodsoffers en seksuele losbandigheid ingesluit het. Om nie te deel nie, het...