Woensdag 29 Julie – Ontnugterde geloof
Hebreërs 11: 1-16
Ontnugter. Hierdie woord is waarskynlik ’n raak beskrywing van hoe ons die lewe met tye ervaar. Om ontnugter te wees, beteken dat jy van alle illusies ontneem word, dat jy ruwe teleurstelling beleef. As gelowiges probeer ons om vanuit ons geloof sin te maak van ontnugtering, want dit laat bepaalde geloofsvrae ontstaan. Dit laat ons besef dat geloof ons nie vrywaar van lyding of swaarkry nie.
Die Hebreërs-boek toon begrip vir so ’n ontnugtering in die geloof. Die boek is gerig aan Christene wat vanuit ’n Joodse agtergrond gekom het, maar wat vanweë hul assosiasie met Jesus vervolging en vervreemding beleef het. Die skrywer moedig hierdie gelowiges aan om te volhard in die geloof deur voorbeelde te gee van regte mense wat deur die geskiedenis heen hul geloof ten spyte van ontnugterings beoefen het. Hy vertel van Abel, Henog, Noag en Abraham – almal mense wat deur God as regverdig beskou is vanweë hul gehoorsaamheid aan en nabye verhouding met God.
In al hierdie voorbeelde sien ons hoe geloof aardse werklikhede transendeer. Geloof het nie alles altyd goed laat afloop vir hierdie gelowiges nie. Inteendeel, hul antwoord op God se roepstem het hul vervreemding laat beleef. Hulle was vreemdelinge en bywoners op aarde – uitgeskuif deur die mense en die wêreld rondom hulle. Tog het hierdie ontnugtering nie hul vreugde gesteel nie. Selfs al het hierdie mense gesterf sonder om noodwendig in hul leeftyd die vervulling van al God se beloftes te sien, kon hulle steeds juig omdat hulle in geloof geweet het dat hul tuiste by God is, dat hulle aan God behoort en sal tuiskom in die Vaderland.
Ontnugterde geloof is geloof met diepgang. Dit is geloof wat rekening hou met die harde werklikhede van die lewe. Geloof ten spyte van. Geloof wat deur worsteling heen groei. Geloof wat op pad is, wat verlang na die hemelse stad en op soek is na ’n Vaderland. Vir mense met so ’n geloof is God nie skaam om hulle God genoem te word nie; trouens, Hy het vir hulle ’n stad gereed gemaak.
Dr Marina Kok-Pretorius, Potchefstroom
Woensdag 1 April – Een man draai om…
Lukas 17: 11-19 Op sy reis na Jerusalem het Jesus al met die grens tussen Samaria en Galilea langs gegaan. Net toe Hy ’n sekere dorpie wou binnegaan, kom tien melaatse mans Hom tegemoet, maar hulle bly op ’n afstand staan en roep hard: Jesus, Here, ontferm U oor ons!...
Dinsdag 31 Maart – Kruis opneem…
Markus 8: 27-38 (AFR2020) In die Markus-evangelie word dit die eerste keer duidelik vir die dissipels wie Jesus eintlik is. Die gedeelte begin met die kwessie van vooropgestelde idees. Jesus vra vir sy dissipels: Wie sê die mense is Ek? En dan sien ons hoe die...
Maandag 30 Maart – Here, spreek maar net ’n woord…
Lukas 7: 1-10 ’n Romeinse offisier se slaaf is siek. Hy het Jesus nie geken nie, maar het van Jesus en sy wonderdade gehoor. Hy vra Joodse kennisse wat familiehoofde was, manne met aansien en invloed wie se woord gewig gedra het. Dus, kies hy sy tussengangers met...
Sondag 29 Maart (Sesde Lydensondag/Palmsondag) – Twee intogte…
Markus 11: 1-11 (AFR2020) Geskiedkundiges wys vir ons uit dat daar nog ’n ander intog ook tydens die Paasfees plaasgevind het. Waar Jesus aan die oostekant van Jerusalem gekom het, het Pontius Pilatus aan die teenoorgestelde kant, die westekant, Jerusalem binnegegaan....
Saterdag 28 Maart – Julle het die Gees ontvang wat julle tot kinders van God maak
Romeine 8: 15 (AFR2020) Julle het immers nie ’n gees ontvang wat weer tot slawerny lei en julle bang maak nie, maar julle het die Gees ontvang wat ons tot kinders van God maak. Deur Hom roep ons: ‘Abba! Vader!’ (Rom 8: 15). Een van die kragtigste beelde van redding in...
Vrydag 27 Maart – Suiwer godsdiens is om om te sien na weeskinders en weduwees in hul nood
Jakobus 1: 27 (AFR2020) Suiwer en onbesmette godsdiens voor God die Vader is om na weeskinders en weduwees in hulle nood om te sien, en om jouself vry te hou van die besoedeling van die wêreld (Jak 1: 27). Jakobus is ’n praktiese boek. Hy gee min ruimte vir vroom...