Rata Maatskaplike Dienste het op 23 Augustus vanjaar hul agtste jaarlikse Drive for a Child Gholfdag aangebied, by Silver Lakes Golf & Wildlife Estate.
Die dag was ’n groot sukses met die meeste spanne en borge ooit. Rata bedank graag almal wat deel was daarvan. Die wenner van die kompetisie, geborg deur Schoeman Boerdery, was me Janri Booysen, en hul span het sommer ook die prys gevat vir die LAAANGSTE DAG!
Daar is borgskappe ontvang vir kospakkies, en kinder- en babapakkies wat na Rata se kantore versprei is vir hulpverlening in hul werk. Die fondse wat ingesamel is, word aangewend vir kinderbeskermingswerk wat deurgaans deur Rata gelewer word.
