Donderdag 13 Augustus – Jesus en die storm
Markus 4: 35-41
Daar is so paar dinge wat ons vir mekaar kan sê nadat ons die verhaal van Jesus wat die storm stilmaak gelees het:
Die eerste punt is dat die reistog Jesus se voorstel was. Dit is Hy wat die leiding neem en vir die dissipels sê wat volgende gaan gebeur.
Die tweede punt wat ons vir mekaar kan sê, is dat Jesus in die vorige paar hoofstukke van die evangelie volgens Markus baie bedrywig en besig was. Hy het siekes genees en Hy het oor die koninkryk van God gesels en die mense van dit vertel. Ja, Jesus het die vermoë gehad om groot groepe mense bymekaar te laat kom. Maar net so vinnig kon Jesus Homself afsonder wanneer dit nodig was om te bid of alleen te wees. Ons lees dit duidelik hier in Markus 4 waar Jesus na die oorkant toe wil vaar om die skare mense agter te laat. Maar alhoewel Hy die mense agter probeer los, wil hulle nie noodwendig vir Jesus en die dissipels uitlos nie.
Die derde punt is waar ons lees dat daar ander bote op die water saam met Jesus en die dissipels was. Hulle was nie alleen op die waters van die see nie.
Toe die hewige storm opkom, was dit nie meer net Jesus en sy dissipels wat op die water was nie, maar so ook al die ander mense wat in hul eie bote op die water was. Dit was nie net die dissipels wat bang en vol vrees was nie, maar so ook elke ander persoon op hul boot daardie aand.
Hy staan op voor die dissipels en al die gelowiges wat deur die storm se golwe rondgegooi word. Hy staan voor almal op en Hy spreek die storm sterk aan. Nie net spreek Hy die storm aan nie, maar die storm is gehoorsaam aan Jesus se woorde.
So ook verskyn die Here Jesus Christus vandag nog aan elkeen van ons as die redder en verlosser. Mag dit so wees dat ons Hom so sal ervaar.
Ds André Steinmann, Piet Potgieter
Saterdag 4 Julie – Waarom roep julle so benoud na My?
Eksodus 14: 15-31 Die Israeliete was vir honderde jare slawe in Egipte. Hulle het hul identiteit verloor as die uitverkore volk van God. Moses het grootgeword as ’n Egiptenaar. Ten spyte van al die wonders in Egipte, die tien plae en selfs die wolkkolom en die Engel...
Vrydag 3 Julie – Gedeelde spasie
Hebreërs 9: 1-14; 10: 19-22 Die tabernakel en die tempel was die plek waar die Jode verstaan het God se teenwoordigheid is. In die allerheiligste van die tempel was daar kunstige uitbeeldings van bome, vrugte en water wat heenwys na die tuin van Eden. Eden was die...
Donderdag 2 Julie – Baie diep haal Hy my uit
Psalm 18: 1-25 Aan die begin van die Psalm sê Dawid hoe lief hy die Here het. Aan die einde van die verse sê Dawid hoe lief God hóm het. Dit is by die Here waar hy krag kry en veilig voel. Wanneer hy bedreig word wend hy hom tot die Here. God is die een wat tot sy...
Woensdag 1 Julie – God se wingerd
Matteus 21: 33-46; Jesaja 5: 1-7 In die Bybelse tyd het mense verhale vertel, is kennis mondelings oorgelewer en was daar ’n luisterkultuur. Rabbi’s het gereeld stories vertel met ’n oop vraag aan die einde wat die gehoor dan moes beantwoord. In die gelykenis is die...
Dinsdag 30 Junie – God veg vir ons
Josua 10: 1-15 Kanaän was ’n versameling state elk met ’n eie koning. Die Israeliete moet die land verower en Jerigo (Jos 6) en Ai (Jos 8) inval. Gibeon, ’n Kanaänitiese stad, sluit ’n verdrag met die Israeliete deur Josua te bedrieg (Josh 9). Vier Amoritiese konings...
Maandag 29 Junie – Julle maak my arms sterk
Eksodus 17: 8-16 Israel is onlangs uit Egipte bevry. Hulle was slawe en is nie opgelei of gerat vir oorlog nie. Die Amalekiete was nomades wat afgestam het van Esau se kleinseun, Amalek. Hulle val aan sonder provokasie. Ons kry vir die eerste keer met Josua te doen...