Donderdag 29 Oktober – God doen groot dinge
Psalm 77: 1-21
Net soos die Psalmdigter van Psalm 77 verval ek ook dikwels in die negatiewe denkpatrone wanneer ek deur my omstandighede oorweldig word.
Dit is so maklik om God daarvan te beskuldig dat Hy afwesig is of afsydig staan terwyl ek deur my situasie moet worstel.
Dit is eintlik so ironies, want God het tog in Jesus Christus se lewe, lyding en sterwe kom bewys hoe lief Hy ons het. Ons glo dit. Ons bely dit van harte. Om maar net weer in vertwyfeling te verval.
Hierdie negatiewe patroon bewys weereens vir my hoe geen mens uit eie krag staande kan bly in die geloof nie. Ons het God nodig om aan vas te hou. Ons het Jesus nodig, want Hy het vir ons sonde aan die kruis gesterf. Ons het egter ook die Heilige Gees nodig. Dit is juis Hy wat ons daarvan oortuig dat ons negatiewe denkpatrone ons al verder van God af wegneem.
Dit is die Heilige Gees wat ons aandag terugdraai na God. Hy het dit met die Psalmdigter gedoen in Psalm 77. Dit is Hy wat ons herinner aan die groot dinge wat God in die verlede gedoen het, en ons dan leer om raak te sien dat God vandag nog besig is om groot dinge te doen.
Dit is die Gees van God wat my ook leer om raak te sien en te verstaan dat my eie tydelike geluk of tevredenheid nie die belangrikste op aarde is nie. My strewe en doelwitte wat ek vir myself stel, is nie al wat saak maak terwyl ek op pad is na my ewige bestemming saam met God nie.
God se doel met my is altyd tot my voordeel. Ek moet hom heelhartig dien en op Hom fokus. Ek moet Hom vertrou.
Kom ons lees die Psalm stadig en aandagtig. Kom ons laat God toe om deur sy Gees ons gedagtes terug te bring na Hom.
Hy doen steeds groot dinge.
Ds Barrie Oberholzer, Grootfontein / Tsumeb
Woensdag 19 Augustus – Ons burgerskap en familiebande is kosbaar
Efesiërs 2: 19-22Wat het ons die afgelope drie dae gehoor? Ons het los en weg van God begin lewe. Ons is so ingesluk deur die sleurgang van die lewe dat ons, ons skeppingsdoel vernietig het. Ons het deur ons verkeerde lewe vyand van God geword. Maar dan bring God deur...
Dinsdag 18 Augustus – Alle mense is by God welkom
Efesiërs 2: 11-18Kom, dink vandag by die lees van die teks en die boodskap daaruit bietjie daaroor: Wat is die waarde van my lewe vanuit God se perspektief? Hoekom het Hy my uitgekies? Wat moet ek doen? Hoe doen ek dit?Die koms van Jesus na die wêreld was om God se...
Maandag 17 Augustus – Begin goeie werke doen
Efesiërs 2: 1-10Dit is vir God belangrik dat jy iewers saam met ander mense deel sal wees van so ’n gemeenskap van gelowiges. Jy moet behoort, want jy is uitgekies en by God het jy ’n spesiale plek. Want die sonde probeer alle verhoudinge in die mens se lewe tot ’n...
Sondag 16 Augustus – Jy het ’n plek by God
Efesiërs 1: 1-14Ons gebruik maklik die woorde gemeenskap van gelowiges. Waarna verwys dit? Wat is dit? Wie kan daaraan behoort? Watter kenmerke moet so ’n gemeenskap vertoon of uitleef? Watter tipe lewenswyse en optredes moet sigbaar wees? Ons gaan die week, elke dag...
Saterdag 15 Augustus – Jesus, Jakobus en Johannes
Markus 10: 35-40Weet ons waarvoor ons bid, wanneer ons bid? Ons lees dat Jesus drie verskillende kere vir die dissipels die aankondiging maak oor wat gaan gebeur wanneer hulle nou binnekort in Jerusalem instap. Jesus doen dit duidelik, eenvoudig en verstaanbaar.Tog...
Vrydag 14 Augustus – Jesus en die Kanaänitiese vrou
Matteus 15: 21-28Jesus laat weet eendag vir die dissipels dat hulle eerder deur Tirus en Sidon gaan reis en nie die gewone ompad gaan vat nie. Die dissipels wil dit glad nie hoor nie. Tirus en Sidon is dan in Samaria, en volgens die Jode is die Samaritane anders, die...